مصر البطاطا عباره عن فكره جديده ممكن تعتبرها كدبه من كدبات إبريل..
فى كل يوم بيتولد بنلاقى إننا قدام كدبه جديده تقولك إننا هنخترع غواصه أو صاروخ أودبابه بدون دباب :)
أو طياره بدون جناح أو صاروخ بدون بارود..أوو..أوو
ونصحى نلاقى نفسنا قدام كدبه جديده من كدبات إبريل..
ودلوقتى تعالو ندخل على كدبة مصر البطاطا..
فى يوم صحيت بدرى علشان أروح شغلى كل يوم وأنا كلى همه ونشاط..."كدبة إبريل دى بردو" لكن المهم لقيت غيط كبير كله بطاطا
فقلت لازم أنزل واسأل الراجل صاحب الغيط ده عن العائد اللى هيستفيدو من ورا كل البطاطا دى..
وفعلاً نزلت من على موتوسيكلى وكلمت الراجل وقلتله ماتقولى ياعم الحج..هو انت شايف إيه الإستفاده من غيط البطاطا ده؟؟
وهيجيبلك كام فلوس فى الموسم,فقالى إنت مش عارف إن مصر هتبقى أكبر بلد تصدر البطاطا؟"كدبة إبريل بردو"
علشان كده أنا قلت أسبق وأزرع علشان أصدر قبل مصر ....
فقلت فى نفسي حتى الفلاح البسيط سبق مصر وصدر قبلها؟؟
فى قصتى مصر البطاطا ...استفدت إيه ياقارئ البطاطا؟
